<![CDATA[Hi2 Forum - மங்கையர் உலகம்]]> http://www.hi2web.com/forum// en Thu, 09 Sep 2010 15:52:13 GMT vBulletin 60 http://www.hi2web.com/forum/images/satellite/misc/rss.jpg <![CDATA[Hi2 Forum - மங்கையர் உலகம்]]> http://www.hi2web.com/forum// <![CDATA[பெண்களுக்கு வரும் நோய்கள்]]> http://www.hi2web.com/forum//showthread.php?t=23255&goto=newpost Thu, 09 Sep 2010 05:34:47 GMT பெண்களுக்கும் வரும் இதய நோய்களை கீழ்கண்ட வகையில் பிரிக்கலாம்.

15 முதல் 25 வயது வரை: 15 வயது பெண்களுக்கு பெரும்பாலும், உடலில் ஹார்மோன் மாற்றத்தினாலும், பூப்பெய்து விட்ட பயமும், எதிர்கால படிப்பு, வாழ்வு பற்றிய சிந்தனைகளால் படபடப்பு, மூச்சிரைப்பு, மயக்கம் போன்றவை தோன்றும்.

இவற்றை எளிதில் குணப்படுத்தலாம். 10 சதவீதம் பேருக்கு இதயத்தில், “மைட்டிரல் வால்வு புரலாப்ஸ்’ ஆகலாம். கிராமப்புற, ஏழ்மை நிலையிலுள்ள இளம் பெண்களுக்கு, “மைட்டிரல் ஸ்டினோசிஸ்’ என்ற வால்வு நோய் இருக்கலாம். பெரும்பாலும் குடும்ப, சமூக ரீதியாக குழப்பத்தால் ஏற்படும் விளைவுகள் இவை.

25 முதல் 45 வயது வரை: திருமணம் செய்தவுடன் புகுந்த வீட்டில் ஏற்படும் கலாசார குடும்ப சூழ்நிலை மாற்றத்தினால் ஏற்படும் மனமாற்றம் பயம், வெறுப்பு, படப்படப்பு ஏற்பட்டு, நாளடைவில் ரத்த அழுத்தம் ஏற்படலாம். வேலை செய்யும் பெண்கள், குழந்தைகள் பெற்றவுடன், உடலில் ஏற்படும் மாற்றங்கள், குழந்தைகள் வளர்ப்பு, அலுவலகம், குடும்பம் இரண்டையும் பராமரிப்பதில் சிக்கல் ஆகியவற்றால், மன உளைச்சல், படப்படப்பு ஏற்படும். குடும்ப பாரம்பரிய வியாதி இருந்தால், அதுவும் வரலாம்.

45 முதல் 65 வயது வரை: குடும்ப சுமை, பிள்ளைகள் படிப்பு, எதிர்கால சுமை, பொருளாதார தடுமாற்றம் ஏற்படும். குடும்ப உறுப்பினர்களின் நடவடிக்கைகளால் ஏற்படும் விளைவுகளை தாங்க முடியாத பெண்களுக்கு, எளிதில் ரத்த அழுத்தம், சிலருக்கு சர்க்கரை நோய் ஏற்பட்டு, அதன் தாக்கத்தால் ஏற்படும் உறுப்புகளின் செயலிழப்பு. மார்புவலி, மாரடைப்பு, கார்டியோ காமயோபதி வர வாய்ப்புகள் உண்டு.

65 முதல் 85 வயது வரை: இந்த வயதில் 80 சதவீதத்தினர், சர்க்கரை, ரத்தக் கொதிப்பு, அதிக எடை, அதிக கொழுப்பு, இடுப்பின் அளவு அதிகரித்து, தொப்பை ஏற்பட்டு மெட்டபாலிக் சிண்ட்ரோம் நோய் ஏற்படும்.

இவர்களிடம் ஏற்படும் கோளாறுகள்:

தொப்பை போடுதல், இடுப்பின் அளவு 90 செ.மீ.,க்கு மேல் அதிகரித்தல், டிரை கிளிரிரைடு 150ஐ தாண்டுதல், எச்.டி.எல்., என்ற நல்லக்கொழுப்பு 40எம் கீழ் குறைதல், ரத்த அழுத்தம் 130/85க்கு மேல், வெறும் வயிற்று சுகர் 110க்கு மேல் இருத்தல். இந்த அறிகுறிகள் பெரும்பாலான பெண்களுக்கு உண்டு. இதனால், மார்பு வலியும், மாரடைப்பு இதய வீக்க நோய் ஏற்பட்டு, நிரந்தர நோயாளியாகி விடுகின்றனர். அடுத்த வரும் நோய்: தைராய்டு சுரப்பு குறைதல். இது 45 வயது முதல் ஆரம்பமாகி விடுகிறது. இதனால், சுறுசுறுப்பு இல்லாமை, அதிக தூக்கம், அதிக எடை, அலுப்பு, சலிப்பு, அதிக கொலஸ்ட்ரால் உருவாகி, இதய நோய் ஏற்படும்.

 ]]> Mee244 http://www.hi2web.com/forum//showthread.php?t=23255 <![CDATA[கர்ப்பிணிகள் பப்பாளி உண்ணலாமா?]]> http://www.hi2web.com/forum//showthread.php?t=23226&goto=newpost Wed, 08 Sep 2010 16:36:50 GMT கர்ப்பிணிகள் பப்பாளி உண்ணலாமா?




கர்ப்பிணிப் பெண்கள் மற்றும் குழந்தைக்கான வாய்ப்பை எதிர்நோக்கும் பெண்கள் தவிர மற்ற எல்லோரும் விரும்பி சாப்பிடும் பப்பாளிப் பழம் நிறைய சத்துக்கள், மருத்துவ குணங்கள் கொண்ட பழமாகும். இதில் வைட்டமின்கள் ஏ, சி, ஈ மற்றும் நார்ச்சத்து நிறைய உள்ளது. பெரும்பாலும் கோடைகாலம்தான் இந்த பழத்தில் இருந்து நமக்கு கிடைக்கும் சில பயன்கள்:

பப்பாளியில் உள்ள பேராக்ஸ்நேஸ் என்ற தாதுப்பொருள் கொழுப்பை குறைக்க உதவுகிறது. பப்பாளிப் பழத்தில் காணப்படும் வைட்டமின் `ஈ' குடல் பகுதியில் கேன்சர் வராமல் தடுக்கிறது.

கிட்னியில் கல் இருப்பவர்கள் பப்பாளிப் பழத்தை தினமும் இரண்டு வேளை சாப்பிட்டு வந்தால் விரைவில் குணம் அடையலாம். அல்சர் தொல்லை உள்ளவர்கள் இந்த பழத்தை தினமும் சாப்பிட்டு வந்தால் விரைவில் குணம் பெறலாம்.

சிலருக்கு அதிக புரோட்டின் நிறைந்த உணவு சாப்பிட்டால் செரிக்காமல் வயிறு கோளாறு ஏற்படும். அப்படி உள்ளவர்கள் உணவுக்குப்பின் இந்த பழத்தை சாப்பிட்டால் உணவை விரைவில் செரிக்க வைக்கும்.

மலச்சிக்கல் உள்ளவர்களுக்கு லேகியங்களைவிட, பப்பாளிப் பழம் ஒரு அருமையான மருந்து. இதை தவறாமல் தினமும் காலையில் சாப்பிட்டு வந்தால் மலச்சிக்கல் வரவே வராது.

பப்பாளிப் பழத்தை கூழாக்கி வாரம் இரண்டு முறை முகத்தில் தடவி மசாஜ் செய்து வந்தால் முகத்தில் இருக்கும் கரும் புள்ளிகள், சொரசொரப்பு தன்மை மாறி முகம் பளப்பளப்பாக மாறிவிடும்.

பப்பாளியில் `பப்பைன்' என்ற தாது பொருள் உள்ளது. இந்த பப்பைன் மேலை நாடுகளில் மாட்டு இறைச்சி மற்றும் கோழி இறைச்சியை பதப்படுத்த உபயோகிக்கப்படுகிறது.

பப்பாளிப்பழத்தை கர்ப்பிணிப் பெண்கள் மற்றும் குழந்தை பாக்கியத்தை எதிர்நோக்கி காத்திருக்கும் பெண்கள் சாப்பிடக்கூடாது என்ற கருத்து உள்ளது. இவர்கள், பப்பாளிப் பழத்தை அளவுக்கு அதிகமாக சாப்பிட்டால், உடல் வெப்பநிலை அதிகரித்து, ஆரம்ப நிலையில் உள்ள கரு கலைந்துவிடும் அல்லது கரு உருவாகுதல் தள்ளிப்போகும் என்பதால் அப்படிச் சொல்கிறார்கள். அதேநேரம், மேற்படி பெண்கள் இந்த பழத்தில் ஒன்று அல்லது இரண்டு துண்டுகள் சாப்பிடுவதில் தவறே இல்லை.

ஒருவேளை, அளவுக்கு அதிகமாக பப்பாளிப் பழத்தை அவர்கள் எடுத்துக்கொண்டால், அந்த பழத்தை சாப்பிட்டு முடித்தவுடன் ஒரு டம்ளர் பால் குடிப்பது உடல் வெப்பநிலை அதிகரிப்பதை தடுத்து நிறுத்திவிடும். ]]> Rupa http://www.hi2web.com/forum//showthread.php?t=23226 <![CDATA[விஷமாகும் அழகுசாதனங்கள்]]> http://www.hi2web.com/forum//showthread.php?t=23194&goto=newpost Mon, 06 Sep 2010 07:54:35 GMT அழகாய் தோன்ற வேண்டும் எனும் உந்துதல் பெரும்பாலானவர்களிடம் இயல்பாகவே காணப்படுகிறது. அழகு குறித்த அதீத கவலை ஆண்களை விட பெண்களிடம் அதிகமாகவே இருக்கிறது என்பது கண்கூடு.

காலம் காலமாக அடக்கி வைக்கப்பட்ட பெண்கள் தனது உடல் அழகைக் கொண்டு மட்டுமே சபைகளிலும், மனங்களிலும் அங்கீகாரமும், மரியாதையும் பெற்றார்கள் என்று வரலாறு கடந்த கால பெண்களின் வாழ்க்கையைப் பதிவு செய்துள்ளது. பெண்களிடம் இயல்பாகவே எழும் அழகு குறித்த கவலை இங்கிருந்து முளை விட்டிருக்கலாம்.

ஆனால் இன்றைய சமூகம் அப்படிப்பட்டதல்ல. பெண்கள் தங்கள் அழகைக் காட்டி பிறருடைய கவனத்தை ஈர்க்க வேண்டிய காலம் மலையேறிவிட்டது. தங்கள் அறிவினாலும், ஆற்றலினாலும் பெண்கள் இன்று சமூகத்தில் அங்கீகாரங்களையும், புகழையும் மிக எளிதில் பெற்று விடுகின்றனர். ஆணும் பெண்ணும் சமமெனும் சொல்லே பெண்கள் ஆண்களை விட உயர்ந்தவர்கள் இல்லை என பறைசாற்றுவதற்காகத் தானோ என எழுச்சியுடன் பெண்கள் கேட்கும் காலம் இது.

ஆனால், பழைய மரபின் தொடர்ச்சியாக இன்றும் பெண்கள் அழகான உடல் வேண்டும், வசீகரிக்கும் முகம் வேண்டும் என அதீத கவலை கொண்டு திரிவது வியப்பையும், வேதனையையும் அளிக்கிறது. செயற்கை முகப்பூச்சுகளையும், பல்வேறு அழகு சாதனப் பொருட்களையும் கைகளிலும், பைகளிலும் அடக்கி இன்றைய பெண்கள் அலுவலகங்களுக்கு விரைவது தனது இயல்பின் மீதான நம்பிக்கையின்மையை வெளிப்படுத்துவதாய் அமைந்துள்ளது எனலாம்.

உளவியல் ரீதியாக இது பெண்களின் தன்னம்பிக்கைக் குறைவின் வெளிப்பாடாகவும், தாழ்வு மனப்பான்மையின் தாழ் திறக்கும் சங்கதியாகவும் தெரியும் அதே வேளையில் இது ஆரோக்கியத்துக்கு மிகப்பெரிய ஆபத்தாகவும் இருக்கிறது என்பது கவலையளிக்கக் கூடிய செய்தியாகும்.

உலகிலேயே அதிக அளவு அழகுசாதனப் பொருட்களை உபயோகிப்பது பெண்கள் தான் என்பதை பிரிட்டனின் ஆய்வு ஒன்று சமீபத்தில் வெளியிட்டிருந்தது. இதில் வியப்பு ஏதுமில்லை. ஆனால் அந்த அழகு சாதனப் பொருட்கள் உண்மையிலேயே அழகைக் கூட்டுகின்றனவா, அவை தேவையானவை தானா என ஆராய்ந்தால் கிடைக்கும் செய்திகள் அதிர்ச்சியளிப்பவையாக இருக்கின்றன.

இளமையாகவும், அழகாகவும், வனப்பாகவும் காட்டுவேன் என விளம்பரங்களில் வாக்குறுதி அளிக்கும் அழகு சாதனங்கள் உண்மையில் அழகையும், வனப்பையும், ஆரோக்கியத்தையும் கெடுக்கிறது என்பதே அதிர்ச்சியளிக்கும் உண்மையாகும். இந்த அழகு சாதனப் பொருட்களில் கலந்துள்ள வேதியல் பொருட்களைப் பார்த்தால் ஆய்வுக் கூடத்தில் ஒட்டப்பட்டிருக்கும் ஒரு அமிலப் பட்டியலாய் அவை அச்சமூட்டுகின்றன.

பெண்களின் அழகுசாதனப் பொருட்கள் பலவற்றிலும் விஷத் தன்மையுள்ள பொருட்கள் கலந்திருக்கின்றன என்பதும், இந்த விஷத் தன்மைகள் ஒவ்வாமை முதல் புற்று நோய் வரையிலான பல்வேறு விதமான நோய்களைத் தோற்றுவிக்கக் கூடியவை என்பதும், இவை பெண்மையைக் கூட வலுவிழக்கச் செய்யும் தன்மை வாய்ந்தவை என்பதுமே இந்த அழகுசாதனப் பொருட்கள் குறித்த உண்மையாகும்.

உணவுப் பொருட்களுக்கு இருக்கக் கூடிய தர நிர்ணய அமைப்புகள் போல அழகு சாதனப் பொருட்கள் விஷயத்தில் அமைப்புகள் முழுமையாக இல்லை. பல மேலை நாடுகளில் ஒரு குறிப்பிட்ட அளவுக்கு இந்த தர நிர்ணய சட்டங்கள் செயல்பாட்டில் உள்ளன. இத்தகைய அமைப்புகள் உள்ள நாடுகளில் அழகுப் பொருட்கள் குறைந்த பட்ச உத்தரவாதத்தைத் தர முடியும். உதாரணமாக, யூரோப்பியன் யூனியன் காஸ்மெடிக் டைரக்டிவ் ( European Union’s cosmetics directive ) எனும் அமைப்பு 2006ல் ஆரம்பிக்கப்பட்ட பின் யூ.கே வில் அழகு சாதனப் பொருட்களில் விஷத்தன்மையுள்ள பொருட்களோ, அமிலங்களோ கலப்பது பெருமளவில் குறைந்துள்ளன.

சமீபத்தில் அமெரிக்காவில் உதட்டுச் சாயங்களில் காணப்படும் விஷத் தன்மையைக் கண்டறிவதற்கான சோதனை நிகழ்த்தப்பட்டிருக்கிறது. அதில் சோதனைக்கு எடுத்துக் கொள்ளப்பட்ட பிரபலமான உதட்டுச் சாயங்களில் 61 விழுக்காடு விஷத் தன்மை உடையதாக காணப்பட்டன. முப்பது விழுக்காடு உதட்டுச் சாயங்களில் இந்த விஷத் தன்மை அளவுக்கு மிக மிக அதிக அளவில் இருந்ததால் அவற்றைத் தடை செய்திருக்கிறது அமெரிக்க அரசு.

தொடர்ந்து உதட்டுச் சாயம் போடும் பழக்கம் உடைய ஒரு பெண் சுமார் நான்கரை கிலோ எடையளவுக்கு லிப்ஸ்டிக்கை தன்னன அறியாமலே உட்கொள்கிறார் எனவும், இது மனச் சிதைவு, கருச் சிதைவு, சிறுநீரகக் கோளாறு, பெண்மைத் தன்மை இழப்பு உட்பட பல்வேறு சிக்கல்களை உருவாக்கக் கூடும் எனவும் அமெரிக்க ஆராய்ச்சியாளர் பீட்டர் டிங்கில் தெரிவிக்கிறார்.

மலிவு விலை உதட்டுச் சாயம், கண்களை அழகுபடுத்தும் மை, முகத்தில் பூசப்படும் ரோஸ் பவுடர், நகப் பூச்சு, பாடி ஸ்பிரே, ஹெயர் ஸ்ப்ரே, டியோடரண்ட், வாசனைத் திரவியம், ஷாம்பூ, ஷவர் ஜெல், ஹேண்ட் வாஷ் என எங்கும் அழகுசாதனப் பொருட்களின் சந்தை பரவலாய் இருக்கும் இந்தியா போன்ற நாடுகளில் அத்தகைய கட்டுக்கோப்பான தர நிர்ணயத்தை எதிர்பார்க்க முடியாது. கூடவே, தரக் கட்டுப்பாட்டைப் பார்த்து அழகுப் பொருட்களை வாங்க வேண்டும் எனும் விழிப்புணர்வே பெரும்பாலானோருக்கு இல்லை என்பதே உண்மை.

பாரபீன்ஸ் ( parabens ) மற்றும் பாத்தலேட்ஸ் ( phthalates) போன்ற அமிலங்கள் வாசனைத் திரவியங்களிலும், பாடி ஸ்பிரேக்களிலும் உள்ளன. இவை காற்றில் கலந்து உடலுக்குள் புகுந்து ஊறு விளைவிக்கக் கூடியவை. அழகுப் பொருட்களை அதிகம் பயன்படுத்தும் 20 வயதுமுதல் 40 வயதுக்குள்ளான இன்றைய பெண்களிடம் இந்த பாரபீன்ஸ் மிக அதிக அளவில் இருக்கின்றன. இவை ஹார்மோன்களைச் சேதப்படுத்தும் அச்சுறுத்தலையும் தருகின்றன.

இந்த பாரபீன்ஸ் விஷத் தன்மை வாய்ந்தவை என்பதும், மார்பகப் புற்று நோய்க்கும் இதற்கும் நெருங்கியத் தொடர்பு உண்டு என்பதும் ஏற்கனவே பல ஆராய்ச்சிகள் மூலம் உறுதி செய்யப்பட்டுள்ளது.
புரோப்பலீன் கிளைகோள் எனப்படும் தோலை சேதப்படுத்தி குருதிக் குழாய்களில் அமிலத்தன்மை கரைக்கும் வேதியல் பொருள் இன்றைய மிகப்பிரபலமான டியோடரண்ட் களில் காணப்படுகிறது என்கின்றனர் மருத்துவர்கள். இது மூளை, லிவர், சிறுநீரகம் போன்றவற்றின் இயக்கத்தின் மீது பாதிப்பை ஏற்படுத்த வல்லது. இந்த விஷத் தன்மை மவுத்வாஷ், மற்றும் பற்பசைகளில் கூட காணப்படுகின்றன என்பது கவனிக்கத் தக்கது.

ஸ்வீடன் நாட்டில் தடைசெய்யப்பட்ட பார்மால்டிஹைட் எனப்படும் பொருள் நமக்குக் கிடைக்கும் ஷாம்பூ, ஹேண்ட் வாஷ் போன்ற பொருட்களில் இருக்கின்றது. இவை தலைவலி, அலர்ஜி போன்ற பல உபாதைகளைத் தந்து செல்கிறது. ஷாம்பூ, மற்றும் நுரை தரக்கூடிய பல அழகு சாதனப் பொருட்களில் சோடியம் லாரில் சல்பேட், மற்றும் சோடியம் லாரத் சல்பேட் எனும் இரண்டு வேதியல் பொருட்கள் காணப்படுகின்றன. இவை மிக மிக ஆபத்தானவை. குழந்தைகளின் கண்களுக்குப் பெரிய பாதிப்பை ஏற்படுத்தும் சக்தி இவற்றுக்கு உண்டு. இவை தோலினூடாக எளிதில் உடலுக்குள் கடந்து உடலுக்குள் விஷத்தன்மையை இறக்குமதி செய்துவிடுகிறது.

அழகுப் பொருட்களில் எத்தனோலமின் எனும் பொருள் நானோ, டை மற்றும் டிரை எனும் மூன்று வகையாகக் காணக்கிடைக்கிறது. இவை ஷாம்பூ, ஷவர் ஜெல், சோப், ஃபேஷியல் கிளீனர்ஸ் உட்பட பல்வேறு அழகுப் பொருட்களில் உள்ளன. இவற்றை தொடர்ந்து பயன்படுத்தி வரும்போது சிறுநீரகப் புற்றுநோய், லிவர் புற்று நோய் உட்பட பல கொடிய நோய்கள் வரும் வாய்ப்பு அதிகரிக்கிறது.

இன்னொரு முக்கியமான விஷயம், இயற்கைப் பொருட்களிலிருந்து தயாரிக்கப்பட்டது என விளம்பரப்படுத்தப்படும் அழகுப் பொருட்கள் பெரும்பாலானவற்றில் இந்த விஷத்தன்மை உண்டு. அமிலங்களுடன் ஒரு சில இயற்கைப் பொருட்களையும் கலந்து அவற்றை இயற்கைப் பொருள் என விளம்பரப் படுத்துவது விளம்பர உத்தி தவிர வேறில்லை என்பதை விளங்கிக் கொள்ளல் அவசியம்.

ஐசோபுரோபைல் ஆல்கஹால் (Isopropyl Alcohol) எனும் விஷத்தன்மையுள்ள பொருள் அன்றாடம் பயன்படுத்தும் ஆஃப்டர் ஷேவ் லோஷன்(after-shave lotions), ஹெயர் கலர் ரின்சஸ்(hair color rinses), ஹேண்ட் லோஷன்(hand lotions) உட்பட பல்வேறு அழகு பொருட்களில் கலந்துள்ளது. தலைவலி, வாந்தி, மன அழுத்தம் போன்ற பல்வேறு சிக்கல்களுக்கு இந்தப் பொருள் காரணமாகிறதாம்.

குழந்தைகளுக்குப் பயன்படுத்தும் எண்ணை பெரும்பாலும் மினரல் ஆயில் என்கின்றது புள்ளி விவரம் ஒன்று. இந்த மினரல் எண்ணை உடலின் மேல் ஒரு மெல்லிய மெழுகுப் படலத்தை ஏற்படுத்தி தோலின் இயல்புத் தன்மையைப் பாதிக்கிறது. இதை அதிக அளவு பயன்படுத்தும் போது உடல் தனது இயல்பான பணிகளைச் செய்ய முடியாமலும், உடலின் நச்சுத் தன்மையை வியர்வை மூலம் வெளியேற்ற முடியாமலும் சோர்வுறுகிறது.

முகப்பூச்சு பயன்படுத்துவது கூட கெடுதலானது எனவும், குறிப்பாக குழந்தைகள் முகப்பூச்சுத் துகள்களை சுவாசிக்க நேர்வதனால் ஆஸ்த்மா போன்ற பல பிரச்சனைகள் வர காரணமாகிறது எனவும் மருத்துவர்கள் தெரிவிக்கின்றனர்.

அழகின் மீது அதீத மோகம் ஏற்படும் போது உடல் எடையைக் குறைக்க வேண்டும் எனும் தீவிர உந்துதலும் பெண்களிடம் எழுகிறது. ஊடகங்கள் மிகைப்படுத்தும் அழகும், இளமையுமே உண்மை என நம்பி அதே போல நகலெடுக்க தனது உடலைக் கொடுமைப்படுத்தும் டயட் முறைகள் இன்று உலகெங்கும் பரவியிருக்கின்றன. அமெரிக்கர்கள் ஆண்டுக்கு சுமார் 35 மில்லியன் டாலர்கள் இத்தகைய உடல் குறைப்பு பொருட்களுக்காகச் செலவிடுகின்றனர் என்கிறது ஒரு புள்ளி விவரம்.

இத்தகைய மோகம் அதிகரிக்கும் போது உயிரிழப்புகள் கூட நேரிடுகின்றன. சமீபத்தில் மாஸ்கோவில் 35 வயதான பெண் ஒருவர் அளவுக்கு அதிகமாக உடலை இளைக்க வைக்கும் மருந்துகளை உட்கொண்டதால் மரணமடைந்திருக்கிறார். உலகெங்கும் அவ்வப்போது நிகழும் இத்தகைய நிகழ்வுகள் மாத்திரைகளினால் அழகைத் தேடுவோருக்கான எச்சரிக்கை மணி எனக் கொள்ளலாம்.
இன்னும் சிலருக்கு ஆடையின் வண்ணத்துக்கு ஏற்ப அழகிய காண்டாக்ட் லென்ஸ் அணிவது ஒரு பிரியமாக இருக்கிறது. இது கண்ணுக்கு பெரிய சிக்கலை ஏற்படுத்தும் என எச்சரிக்கின்றனர் கண் மருத்துவர்கள

இன்றைய இளம் பெண்களிடையே தங்கள் கூந்தலை நேராக்க வேண்டும் எனும் மோகமும் மிகுந்து வருகிறது, அந்த முறைக்காகப் பயன்படுத்தப்படும் பொருட்களில் பார்மால்டிஹைட் எனப்படும் வேதியல் பொருள் அளவுக்கு அதிகமாகவே இருக்கிறது. இது புற்று நோய் வரும் வாய்ப்பை அதிகரிக்கும் என உலக நலவாழ்வு நிறுவனம் எச்சரித்துள்ளது.

இயற்கையை விட்டு விலகி செயற்கைப் பொருட்களின் அருகாமையை அதிகப்படுத்திக் கொள்ளும் ஒவ்வோர் செயலும் உடலின் இயல்புக்கு ஊறு விளைவிக்கக் கூடியது என்பதில் ஐயமில்லை. ஆரோக்கியமாகவும் அழகாகவும் இருக்க ஒரே வழி அழகுப் பொருட்களின் மீதான அதீத நாட்டத்தைக் குறைப்பதே. ஊடகங்களும், திரைப்படங்களும் மிகைப்படுத்துபவையே அழகெனும் மாயையிலிருந்து இளம் பெண்கள் வெளிவரும்போது தான் ஆரோக்கியமான சூழல் நிலவும். ]]> Mee244 http://www.hi2web.com/forum//showthread.php?t=23194 <![CDATA[திருமணப் பெண்ணுக்கு]]> http://www.hi2web.com/forum//showthread.php?t=23159&goto=newpost Fri, 03 Sep 2010 08:36:38 GMT ''மூன்று மாதத்திலிருந்து, முகூர்த்தம் வரை மணப்பெண்களை எப்படி தயார் செய்து, என் னென்ன மேக்அப் செய்கிறார்கள்'' என்பதை விளக்குகிறார், நேச்சுரல்ஸ் இருபாலர் ஸ்பா அன்ட் சலூன் பிரைடல் டிசைன் ஸ்டுடி யோவின் இயக்குநர் வீணா குமாரவேல். முன்பெல்லாம் மணப்பெண் அலங்காரம் என்பது முகூர்த்தம் நடக்கும் அன்று காலை யில் மணப்பெண்ணுக்கு மேக்அப் போடுவது மட்டும்தான். இப்போது முகம் மட்டுமல்ல, உடல் முழுவதும் அழகாக்கப்படுகிறது. மட்டு மின்றி உடை, நகைகள் போன்றவை அனைத் தும் அழகுக்கு அழகு சேர்க்கும் விதத்தில் தேர்ந்தெடுத்து முழுமை படுத்தப்படுகிறது.

3 மாதங்களுக்கு முன்பு

இன்றைய சுற்றுப்புற சூழல் அதிக மாசு கலந்ததாக இருக்கிறது. பெண்களின் உணவுப் பழக்கம், வாழ்க்கை முறை, தூக்க நிலை போன்றவைகளிலும் நிறைய மாற்றங்கள் ஏற்பட்டுவிட்டன. அதிக வேலைப்பளுவால் பெண்கள் மனஉளைச்சலுக்கும் உள்ளாகுகிறார்கள். அதனால் அவர்கள் ஆரோக்கியம் பாதிக் கப்பட்டு, அழகும் கெடுகிறது. 3 மாதத்திற்கு முன்பிருந்தே அவர்கள் தங்கள் வாழ்க்கை முறையில் இருக்கும் முரண்பாடுகளை நீக்க வேண்டும். தினமும் 45 லீற்றர் தண்ணீர் பருகவேண்டும்.

அசைவ உணவுகளின் அள வைக்குறைத்து, பெருமளவு காய்கறி, பழங் களை உணவில் சேர்க்கவேண்டும். மனதை அமைதிப்படுத்தும் பொழுதுபோக்கில் ஈடுபட வேண்டும். தினமும் 8 மணிநேரம் நன்றாகத் தூங்கவேண்டும். உடலை நன்றாக பராமரித்து, அழகில் ஆர்வம் செலுத்தவேண்டும். அழகைப் பொறுத்தவரையில் முதலில் வீட்டிலே அதற்குரிய செயல்முறைகளைத் தொடங்க வேண்டும். ஓட்ஸ், பால் பவுடர் ஆகிய இரண்டையும் ஓரன்ஜ் ஜூசில் கலந்து வாரத்தில் ஒருநாள் உடம்பு முழுவதும் பூச வேண்டும். 15 நிமிடங்கள் கழித்து மென்மையான ஸ்பான்ஞ்ச் அல்லது கை விரலால் மிதமாக தேய்த்துக்கொடுக்க வேண்டும். பின்பு கழுவிவிட வேண்டும். இவ்வாறு செய்தால் சருமத்தில் இருக்கும் ''இறந்த செல்கள்'' நீங்கிவிடும். பால் பவுடரில் இருக்கும் லாக்டிக் ஆசிட் சருமத்தில் பதிந்து பளபளப்பை கொடுக்கும்.

அழகு நிலையத்தில் மணப்பெண்களுக்காக இப்போது ''மில்க் பாத்'' உள்ளது. தொட்டியில் பால், தண்ணீர் மற்றும் ஒவ்வொருவர் சருமத்திற்கும் தேவையான ஜெல்லும் அதில் கலந்திருக்கும். முதலில் அழகுசாதனப் பொருட்களை பயன்படுத்தி உடலில் பூசி தேய்த்து ''ஸ்கிரப்'' செய்துவிட்டு, பின்பு ''ஆவி பாத்'' கொடுக்கப்படுகிறது. அதன் பிறகு அவர்கள் மில்க் பாத் எடுத்துக்கொள்ள வேண்டும். பின்பு உடல் முழுக்க ''மாஸ்க்'' போடப்படும். இதனால் உடல் முழுக்க உள்ள சருமம் ஒரே நிறத்தில் தோன்றும். பளபளப்பும் தோன்றும். இதனை திருமணம் நடக்கும்வரை 15 நாட்களுக்கு ஒருமுறை செய்வது நல்லது.

பெண்கள் ''வையின் தெரபி''யும் எடுத்துக்கொள்ளலாம். முதலில் ஸ்கிரப் செய்தல் பின்பு ஆவி பிடித்தல் அடுத்து வையின் கலந்த நீரில் குளிக்கவைத்தல் போன்றவை இதன் கட்டங் களாகும். இந்த தெரபிக்கான வையின் தனித் தன்மை வாய்ந்தது என்பது குறிப்பிடத்தக்கது. பால் பிடிக்காதவர்கள் வையினில் குளிக்கிறார்கள். முக அழகுக்கு வீட்டில் இருக்கும் பொருட் களை முதலில் பயன்படுத்த வேண்டும். ''நோர்மல் ஸ்கின்'' கொண்டவர்கள் ஸ்ட்ரோபெரி பழத்தை பிசைந்து முகத்தில் தேய்த்து ஸ்கிரப் செய்ய வேண்டும். பத்து நிமிடத்தில் அதை நீக்கிவிட்டு, ஆப்பிள் கூழை முகத்தில் பூசி 20 நிமிடங்கள் கழித்து கழுவிவிட வேண்டும்.

எண்ணெய்த்தன்மை சருமத்தை கொண்டவர் கள் காலை, மதியம், இரவு மூன்று வேளையும் முகத்தை நன்றாக தண்ணீரால் சுத்தம் செய்ய வேண்டும். தினமும் எலுமிச்சம் பழச்சாறை முகத்தில் தேய்த்து பத்து நிமிடத்தில் கழுவி விடவேண்டும். இது லேசான எரிச் சலைத் தரும். இதை விரும்பாதவர்கள் சாத்துக் குடி ஜூசை முகத்தில் தேய்த்து கழுவ வேண்டும். சந்தனப் பவுடரை பன்னீர் அல்லது சுத்தமான தண்ணீரில் கலந்து முகத்தில் பூசி, 15 நிமிடங்களில் கழுவவேண்டும். தினமும் இவ்வாறு செய்தால் ஒரு வாரத்தில் முகத்தில் இருக்கும் எண்ணெய்த்தன்மை குறைந்து விடும். பின்பு வாரத்தில் ஒருமுறை மட்டும் இவ்வாறு செய்தால் போதும். எண்ணெய்த் தன்மை குறைந்ததும் இந்த வீட்டு சிகிச்சையை நிறுத்தி விடலாம். ஆனால் கருப்புப் புள்ளி, திட்டு, படை, முகப்பரு, நிறமாற்றம் போன் றவை இருப்பவர்கள் அழகு நிலையங்களிலே இந்த சிகிச்சையை மேற்கொள்ள வேண்டியி ருக்கும். கூந்தல் பராமரிப்பை பொறுத்தவரையில் மூன்று மாதத்திற்கு முன்பிருந்தே ஒலிவ் எண்ணெய், தேங்காய் எண்ணெய், பாதாம் எண்ணெய் போன்ற ஏதாவது ஒன்றை லேசாக சூடாக்கி தலையில் தேய்த்து அரை மணிநேரம் ஊறிய பின்பு ஷாம்பூ போட்டு கழுவி, கண்டி ஷனர் பயன்படுத்த வேண்டும். கண்டிஷனரை முடியில் மட்டும்தான் புரட்ட வேண்டும். தலை ஓட்டில் படக்கூடாது.




கூந்தல் ''டிரை ஹெயர்'' ஆக இருந்தால் தே.எண்ணெய், விளக்கெண்ணெய், கிளிசரின், குக்கிங் வினிகர் போன்றவைகளை தலா ஒரு தேக்கரண்டி எடுத்து கண்டிஷனருடன் கலந்து முடியில் பூச வேண்டும். பின்பு சுடு தண்ணீரில் டவலை முக்கிப் பிழிந்து, தலையில் கூந்தலை சுற்றிக் கட்ட வேண்டும். இரண்டு, மூன்று முறை அவிழ்த்து கட்டவேண்டும். 1520 நிமிடங்களுக்குப் பிறகு ஷாம்போ போட்டு கழுவவேண்டும். பின்பு கண்டிஷனர் பூச வேண்டும். வாரத்திற்கு ஒரு தடவை இவ்வாறு செய்ய வேண்டும்.

கூந்தலில் பிரச்சினைகள் இருந்தால் அழகு நிலைய சிகிச்சைகள் அவசியப்படும். ஸ்பா, ஸ்மூத்தனிங் போன்று தேவைப்படும் சிகிச்சைகளை 15 நாட்களுக்கு ஒருமுறை பெறவேண்டியிருக்கும்.

ஒரு மாதத்திற்கு முன்பு வீட்டில் செய்ய வேண்டியவை: நோர்மல் ஸ்கின் நாமக்கட்டி பவுடர், முல்தானிமுட்டி இரண்டையும் முகத்தில் பூசி கழுவ வேண்டும். எண்ணெய்ச் சருமம் என் றால் முல்தானிமுட்டி மட்டும் பூச வேண்டும். அழகு நிலையத்தில் இதற்காக ''ஸ்கின் லைட்னிங் பேக்கேஜ்'' உள்ளது. இதனை சருமத்திற்கு 15 நாட்களுக்கு ஒருமுறை செய்யவேண்டும்.

ஒரு வாரத்திற்கு முன்பு:

முகூர்த்தத்தன்று மணப்பெண்ணுக்கு முழுமையாக எப்படி அலங்காரம் செய்யப் படுமோ அது போன்ற அலங்காரத்தை ஒரு வாரத்திற்கு முன்பே செய்து பார்த்துவிட வேண்டும். உச்சி முதல் பாதம் வரை அலங்கரித்துவிட்டு, அதில் ஏதாவது மாற் றங்கள் தேவையா? உடை, அணிகலன்களில் ஏதாவது மாற்றம் தேவையா? என்பதை எல்லாம் பார்த்துவிட வேண்டும். இப்போது பெரும்பாலும் மணமகனும் வந்து, மணப்பெண்ணின் முழு அலங்காரத்தை பார் வையிடுகிறார். அவருடைய விருப்பத்தையும் தெரிவிப்பார். போட்டோவும் எடுத்துக் கொள் வார். இந்த அலங்காரத்திற்கு மூன்று மணி நேரம் ஆகிவிடும்.

மூன்று நாட்களுக்கு முன்பு:

பெடிக்யூர், மெனிக்யூர் எனப்படும் கால் கை நக பராமரிப்பு, வாக்சிங், பேஷ்யல், பொடி ட்ரீட்மென்ட் மற்றும் மெகந்தி போன்ற வைகளை போட்டுக்கொள்ள வேண்டும். இவைகளை செய்த பின்பு மணப்பெண்கள் வெளியே செல்லக்கூடாது. வெயிலில் அலை வது, உடலில் மாசு படிவது, அலைச்சலை ஏற்படுத்திக்கொள்வது போன்றவைகளை தவிர்க்க வேண்டும்.

இரண்டு நாட்களுக்கு முன்பு:

நிறைய தண்ணீர் பருகவேண்டும். நன்றாகத் தூங்கி ஓய்வெடுக்க வேண்டும். நிறைய பழச்சாறு பருகவேண்டும்.

திருமணத்தன்று:

முகூர்த்தத்திற்கு சில மணிநேரங்களுக்கு முன்பு, முழுமையான மணப்பெண் அலங் காரத்தை தொடங்க வேண்டும். ஏற்கனவே டிரையல் செய்து பார்த்திருந்தால் வேகமாக, சிறப்பாக மணப்பெண் அலங்காரத்தை செய்து முடித்துவிட முடியும். வரவேற்பு அலங்காரம் இப்போது மிக நவீனமாகி இருக்கிறது. சிம்பிள் அதே நேரத்தில் மொடர்ன் தோற்றத்தில் மணப் பெண்கள் ஜொலிக்க விரும்புகிறார்கள். அதற்கு தக்கபடி செய்யப்படும் மணப்பெண் அலங்காரம் அதிக வரவேற்பினை பெறுகிறது ]]> Mee244 http://www.hi2web.com/forum//showthread.php?t=23159 <![CDATA[அழகை அள்ளித்தரும் குங்குமப்பூ]]> http://www.hi2web.com/forum//showthread.php?t=23123&goto=newpost Thu, 02 Sep 2010 15:10:45 GMT அழகை அள்ளித்தரும் குங்குமப்பூ





சிகப்பழகைப் பெறத் துடிக்கும் பெண்மணிகள் முக அழகு கிரீம்களை தேட வேண்டியதில்லை. குங்குமப்பூ ஒன்றே போதும். இந்த குங்குமப்பூவை எப்படி பயன்படுத்துவது

குங்குமப்பூவை உரசி ஒரு டேபிள் ஸ்பூன் தண்ணீர் விட்டு சிறிது நேரம் ஊற விடவும். குங்கும பூவின் நிறம் முழுக்க நீரில் ஊறியதும் சிறிது வெண்ணை கலந்து நன்றாக குழைக்கவும். இந்த கலவையை தினமும் முகத்திலும்,உதடுகளிலும் பூசிவர, உதடுகள் செவ்வாழை நிறம் பெறும். உதடுகளின் வறட்சி இருந்த இடம் தெரியாமல் ஓடி விடும். முகத்தில் உள்ள கரும்புள்ளிகளும் மறைந்து விடும்.

இந்த கலவையை நகங்கள் மீது பூசி வர நகங்களும் இயல்பான நிறம் பெறும். நக சுத்தி வந்து அழுகிப் போன நகங்கள், உடைந்து போன நகங்கள் போன்றவற்றை குங்குமப்பூ வெண்ணை கலவையானது சீர்படுத்தி இழந்த அழகை மீட்டுத்தரும். முகத்திற்கு வசீகரத்தை தருவது கவர்ச்சி மிகு கண்கள்தான் அந்த கண்களுக்கு பளிச் அழகைத் தருவது அடர்த்தியான இமைகள் பட்டாம்பூச்சி போல படபடக்கும் இமைகள் அமைய குங்குமப்பூ உதவுகிறது.

மேனியை சிவப்பாக மாற்ற இதோ உங்களுக்காக:

எந்தப் பூவிலும் இல்லாத புதுமை குங்குமப்பூவில் உண்டு. உடல் நிறத்தை சிவப்பாக மாற்றக் கூடிய அற்புதக் குணம் இதில் நிறைந்து காணப்படுகிறது.

குங்குமப்பூவை பொடியாக்கி வைத்துக் கொள்ளவும. அதில் தினமும் ஒரு சிட்டிகை அளவு எடுத்துக் கொள்ளவும். அதில் சில சொட்டுக்கள் பால் விட்டு கலந்து குழைத்துக் கொள்ளவும். இந்தக் கலவையை முகத்தில் பூசி வர முகத்தில் படர்ந்துள்ள கருமை நிறம் குறைவதை கண் கூடாகக் காணலாம்.

சில பெண்கள் நல்ல நிறமாக இருப்பார்கள். ஆனால் உதடுகள் மட்டும் கருமை படர்ந்து அசிங்கமாக இருக்கும். இப்படிப்பட்ட பெண்கள் குங்குமப்பூவை பயன்படுத்தினால் அழகு தேவதையாக மாறி விடுவார்கள் ]]> Rupa http://www.hi2web.com/forum//showthread.php?t=23123 <![CDATA[புருவங்களின் வளர்ச்சிக்கு]]> http://www.hi2web.com/forum//showthread.php?t=23103&goto=newpost Wed, 01 Sep 2010 10:27:22 GMT Image: http://2.bp.blogspot.com/_ljX6BQ6qCK4/S8ghh3cYvbI/AAAAAAAADmY/KJIfU_OmmnI/s400/eyebrow350x350.gif ...

புருவங்களில் உள்ள முடி வளர்ச்சிக்கு புருவங்களில் உள்ள முடி வளர்ச்சிக்கு விளக்கெண்ணெய் மிக முக்கியம். அத்துடன் சம அளவு பாதாம் எண்ணெயும், ஆலிவ் என்ணெயும் கலந்து சில துளிகள் அரோமா எண்ணெய் ஏதேனும் கலந்து மசாஜ் செய்யலாம்.

அதனால் அவ்விடங்களில் இரத்த ஒட்டம் அதிகரித்து, ரோம வளர்ச்சியும் அதிகரிக்கும்.எண்ணெய் தடவி மசாஜ் செய்வதற்கு முன்பாக, புருவங்களை இரண்டு விரல்களால் மெதுவாகக் கிள்ளி விட வேண்டும்.

எண்ணெய் மசாஜ் புருவத்தில் முடி வளர உதவுவதோடு, அது அடர்த்தியாகவும் கருமையாகவும் வளரவும் வழி செய்கிறது.

தினசரி குளிப்பதற்கு முன்பாகப் புருவங்களின் மேல் கொஞ்சம் தேங்காய் எண்ணெயைத் தடவி மசாஜ் செய்து விட்டு, ஊறியதும் குளிக்கலாம். இதுவும் புருவங்கள் அழகாக உதவும்.

புருவங்களை எப்போதும் திரெடிங் முறையில் அகற்றுவதே நல்லது. சிலர் வாக்சிங் முறையிலும் அகற்றுவதுண்டு. வாக்சிங் செய்வதால் அந்த இடத்துத் தசைகள் சுருங்கித் தொய்ந்து போகக் கூடும்.

பிளேடு உபயோகித்துப் புருவங்களை ஷேப் செய்வதும் சிலரது பழக்கம். அவசரத்திற்கு அவர்கள் அப்படிச் செய்வதுண்டு. இந்த முறை மிகமிக ஆபத்தானது. அப்படி அகற்றும் போது அந்த இடத்து முடிகள் மறுபடி வளரும் போது ரொம்பவும் திக்காக கன்னாபின்னாவென வளரும்.

புருவங்கள் நரைத்திருந்தால் மஸ்காராவை உபயோகித்து கருப்பாக்கிக் கொள்ளலாம். மஸ்காரா பிரஷ்ஷை லேசாகக் காய வைத்து நரையை மறைக்கத் தடவலாம். ஐ ப்ரோ பென்சில் உபயோகிப்பதை விட இப்படிச் செய்வது அழகாக, இயற்கையாக இருக்கும்.

கண்களுக்கு அடிக்கடி ஐ பேட் உபயோகிக்கலாம். கண்கள் குளிர்ச்சியாவதுடன், புருவங்களின் சீரான வளர்ச்சிக்கும் உதவும்.

புருவங்களின் வளர்ச்சிக்கு லாவண்டர், ரேஸ்மெரி, யிலாங் யிலாங் மாதிரியான அரோமா எண்ணெய்கள்மிகச் சிறந்தவை. அவற்றை சூடு படுத்தாமல் அப்படியே மசாஜ் செய்ய உபயோகிக்கலாம்.

கண்களை அலங்கரியுங்கள் கண்களை மட்டும் நன்றாக அலங்கரித்துவிட்டாலே போதும் பாதி அழகு வந்துவிடும். எனவே உங்களைச் சொல்லும் கண்களை அழகாக அலங்கரித்துக்கொள்ளுங்கள். சிலருக்கு ஐ லைனர் போட தெரியாது.

ஆனால் தெரியாது என்று விட்டுவிட வேண்டாம். வீ–ட்டில் இருக்கும் போது போட்டு முயற்சி செய்து கொண்டே இருங்கள்.

நாளடைவில் நீங்களே பெரிய ஐ லைனர் கலைஞராக மாறி நண்பிகளுக்கு போட்டிவிட்டு சபாஷ் பெறுவீர்கள்.


சரி கண்களை எப்படி அலங்கரிப்பது என்று பார்ப்போம்:

உங்கள் கண்கள் பெரிய இமைகளை கொண்டிருப்பின் …

கண் இமைகள் சிறியது போன்று காட்டுவதற்கு இமைகளின் மேல் முனைப் பகுதியில் அழுத்தமான ஐ ஷேடோக்களை இடவும்.

பிறகு அதே வர்ணத்தின் இளம் நிறத்தை நடுப்பகுதியில் இட்டு மீண்டும் அழுத்தமான நிறத்தை கொண்டு முடியுங்கள் .

கண்ணின் முனைப்பகுதியில் ஐ லைனரை நன்கு அழுத்தமாக வைத்து கண்களின் அழகுக்கு அழகு சேருங்கள்.


சிறிய கண்களைக் கொண்டவர்கள்..

நன்கு அழுத்தமான ஐ ஷேடோவை கொண்டு இமைகளின் மேற்பரப்புகளில் கோடிட்டுக் கொள்ளுங்கள். பிறகு இளம் நிற ஐ ஷேடோவைக் கொண்டு நிரப்புங்கள்.

இப்போது ஐ லைனரைக் கொண்டு அழுத்தமான கோட்டில் ஆரம்பித்து மிக மெல்லிய கோட்டுடன் இமைகளின் இறுதியை முடியுங்கள் .

சிறிக கண்களும் தற்போது எடுப்பதாகத் தோன்றும் ….

கண்கள் மீது ஐ ஷேடோக்களை இடாமல் மேல் இமையில் அழுத்தமாக ஐ லைனரை மட்டும் அழகாக போட்டு, இமையின் முடிவில் அழுத்தமாக முடிக்கவும்.
இது உங்கள் கண்களை அழகாக்கும். ]]> Mee244 http://www.hi2web.com/forum//showthread.php?t=23103 <![CDATA[பெண்ணிடம் ஆணுக்குப் பிடிக்காதது...]]> http://www.hi2web.com/forum//showthread.php?t=23186&goto=newpost Wed, 01 Sep 2010 10:22:54 GMT பிறரை இகழ்வது : – மற்றவர்களின் தோற்றத்தை இகழ்வதையும், அவர்களைத் தங்களை விட அறிவில் குறைந்தவர்கள் என நினைப்பதையும் ஆண்கள் வெறுக்கின்றனர். அதுவும் மற்ற பெண்களைப் பற்றி பெண்கள் அதிகமாகப் பேசுவார்கள். இதற்குக் காரணம் மற்றவர்கள் தனக்கு போட்டியாக வந்து விடக் கூடாதே என்கின்ற எண்ணம் தான்.

அறிவுரை : மற்றவர்களின் அறிவுரையை யாரும் கேட்டுக் கொள்வதில்லை. ஆண்கள்- பெண்களிடமிருந்து அறிவுரை கிடைத்தாலும் காதில் போட்டுக் கொள்வதில்லை.

செலவு : சில பெண்கள் , தன் பாய் பிரண்ட் மட்டும் தான் செலவு செய்ய வேண்டும் , தான் திருப்பி செலவு செய்யக் கூடாது என நினைக்கின்றனர். தன்னை மட்டும் செலவு செய்ய வற்புறுத்தும் பெண்களை இக்காலத்து ஆண்கள் விரும்புவதில்லை. விட்டு விலகச் செய்வார்கள்.

நம்பிக்கையின்மை : – உங்கள் பாய் பிரண்ட், உங்கள் தோழியுடன் பழகுவதை தவறாக நினைக்க வேண்டாம். அவர் மீது வைக்கும் நம்பிக்கை உங்களை அவரிடம் உயர்வாக காண்பிக்கும்.

விவாதம் : சில பெண்கள் தன் பாய் பிரண்டிடம் எதற்கெடுத்தாலும் வாதம் புரிவார்கள்(தாங்கள் சொல்வதே சரி என்பார்கள் ) இது கூட ஆண்களுக்கு கொஞ்சம் கூடப் பிடிப்பதில்லை.

தன்னம்பிக்கையின்மை : – அவர்களோடு இருக்கும் சமயத்தில் எனக்கு எப்பொழுதும் பிரச்சினைதான் எனக்கு நிம்மதியில்லை. பாதுகாப்பில்லை என உளறிக் கொட்டுவதை நிறுத்தவும். தன்னம்பிக்கை மிகுந்த பெண்களைத் தான் ஆண்கள் அதிகம் விரும்புவார்கள்.

குப்பைகள் : – எப்பொழுது பார்த்தாலும் பழைய குப்பைகளை கிளறிக் கொண்டு இருந்தாலும், கடந்து போன விஷயங்களைப் பேசினாலும் ( காதல் உட்பட ) இப்படிப்பட்ட பெண்களை ஆண்கள் வெறுத்து ஒதுக்குவார்கள். ஒருவரையொருவர் பரஸ்பரம் புரிந்து கொள்ள ஒரு தடவை மட்டும் பழைய விஷயங்களைச் சொல்வது நல்லது. மீண்டும், மீண்டும் பழைய குப்பையைக் கிளறினால் அதே குப்பையில் உங்கள் காதலும் மூழ்கிவிடும்.

வெட்டிப் பேச்சு :- மற்றவர்களின் ஆடை, யாரெல்லாம் சந்திக்கிறார்களோ அவர்களைப் பற்றி ஏதேனும்”கமெண்ட்” (விமர்சனம்) தனக்கு மிகவும் பிடித்த நாயகனைப் பற்றி சதா பேச்சு என்று மட்டும் இருந்தால் உங்கள் பாய் ஃபிரண்ட் சீரியஸ் ஆன விஷயம் எதுவும் இவளிடம் இல்லையா? என உங்களிடமிருந்து அவர் ஓடக் கூடும்.

நேரம் தவறாமை : – காத்திருப்பது என்பது எல்லோருக்கும் வெறுப்பு ஏற்றக் கூடிய விஷயம். ஓரளவு தான் யாரும் தாக்குப் பிடிப்பார்கள். அதுவும் விட உங்கள் மீதுள்ள பிரியத்தால் மட்டுமே காத்திருப்பார்கள். அதிகமாகப் போனால் வெறுக்க ஆரம்பிப்பார்கள். ]]> Mee244 http://www.hi2web.com/forum//showthread.php?t=23186 <![CDATA[கண்களை அலங்கரியுங்கள்!]]> http://www.hi2web.com/forum//showthread.php?t=23039&goto=newpost Sat, 28 Aug 2010 16:53:05 GMT கண்களை மட்டும் நன்றாக அலங்கரித்துவிட்டாலே போதும் பாதி அழகு வந்துவிடும். எனவே உங்களைச் சொல்லும் கண்களை அழகாக அலங்கரித்துக்கொள்ளுங்கள். சிலருக்கு ஐ லைனர் போட தெரியாது.

ஆனால் தெரியாது என்று விட்டுவிட வேண்டாம். வீட்டில் இருக்கும் போது போட்டு முயற்சி செய்து கொண்டே இருங்கள்.நாளடைவில் நீங்களே பெரிய ஐ லைனர் கலைஞராக மாறி நண்பிகளுக்கு போட்டிவிட்டு சபாஷ் பெறுவீர்கள். சரி கண்களை எப்படி அலங்கரிப்பது என்று பார்ப்போம்.

உங்கள் கண்கள் பெரிய இமைகளை கொண்டிருப்பின்:

கண் இமைகள் சிறியது போன்று காட்டுவதற்கு இமைகளின் மேல் முனைப் பகுதியில் அழுத்தமான ஐ ஷேடோக்களை இடவும்.பிறகு அதே வர்ணத்தின் இளம் நிறத்தை நடுப்பகுதியில் இட்டு மீண்டும் அழுத்தமான நிறத்தை கொண்டு முடியுங்கள்.
கண்ணின் முனைப்பகுதியில் ஐ லைனரை நன்கு அழுத்தமாக வைத்து கண்களின் அழகுக்கு அழகு சேருங்கள்.

சிறிய கண்களைக் கொண்டவர்கள்:

நன்கு அழுத்தமான ஐ ஷேடோவை கொண்டு இமைகளின் மேற்பரப்புகளில் கோடிட்டுக் கொள்ளுங்கள். பிறகு இளம் நிற ஐ ஷேடோவைக் கொண்டு நிரப்புங்கள்.

இப்போது ஐ லைனரைக் கொண்டு அழுத்தமான கோட்டில் ஆரம்பித்து மிக மெல்லிய கோட்டுடன் இமைகளின் இறுதியை முடியுங்கள்.
சிறிய கண்களும் தற்போது எடுப்பாகத் தோன்றும்:

கண்கள் மீது ஐ ஷேடோக்களை இடாமல் மேல் இமையில் அழுத்தமாக ஐ லைனரை மட்டும் அழகாக போட்டு, இமையின் முடிவில் அழுத்தமாக முடிக்கவும். இது உங்கள் கண்களை அழகாக்கும். ]]> Mee244 http://www.hi2web.com/forum//showthread.php?t=23039 <![CDATA[கவலை அடைந்தால் எடைகுறைவான குழந்தை]]> http://www.hi2web.com/forum//showthread.php?t=23004&goto=newpost Fri, 27 Aug 2010 16:02:54 GMT கர்ப்ப காலத்தில் கவலை அடையும் பெண்களுக்கு எடை குறைவான குழந்தை பிறக்கும்




சுவீடனில் உள்ள கரோலின்ஸ்கா நிறுவன ஆராய்ச்சியாளர்கள், வங்காள தேசத்தில் உள்ள கிராமப்புறங்களில் வாழும் கர்ப்பிணி பெண்களிடம் ஆய்வு மேற்கொண்டனர். குழந்தை பிறப்பதற்கு முன்பு 6 முதல் 8 மாத கர்ப்பிணிகள் 720 பேரிடம் இந்த ஆராய்ச்சி நடத்தப்பட்டது.

அப்போது அவர்களில் பலர் வறுமை, குடும்ப பிரச்சினை போன்ற பலவித சூழ் நிலைகளால் மன அழுத்தம் மற்றும் கவலையுடன் இருந்தனர். சில மாதங்கள் கழித்து அவர்களுக்கு குழந்தை பிறந்தது.

அவர்களில் மன கவலையுடன் இருந்த கர்ப்பிணி களுக்கு மிகவும் எடை குறைந்த குழந்தைகள் பிறந்து இருந்தன. இவ்வாறு பிறந்த குழந்தைகள் இறந்தன. எனவே கர்ப்பகாலத்தின் போது பெண்கள் மனக்கவலை எதுவுமின்றி மகிழ்ச்சியாக இருந்தால்தான் ஆரோக்கியமான அதிக எடையுடன் கூடிய குழந்தை பிறக்கும் என ஆராய்ச்சியாளர்கள் தெரிவித்துள்ளனர். ]]> Rupa http://www.hi2web.com/forum//showthread.php?t=23004 <![CDATA[இடுப்பை ‘கணக்கு’ பண்ணுங்க]]> http://www.hi2web.com/forum//showthread.php?t=22992&goto=newpost Thu, 26 Aug 2010 21:35:31 GMT இடுப்பை ‘கணக்கு’ பண்ணுங்க சூப்பர் சைஸ் 00.7 இருக்கா?

ஆணோ, பெண்ணோ..தொட்டால் ஒடிந்து விழுகிற அளவுக்கு இருக்கிற ஒல்லிக்குச்சிகளை சிலருக்கு பிடிக்கும். காற்றடைத்த பை போல இருக்கு ம் குண் டூஸ் களை சிலருக்கு பிடிக்கும். சிலர் செவத்த’ ஆட்களை தேடுவார்கள். சிலர் ‘கருப்பு தான் பிடிச்ச கலரு’ என்பார்கள். இது என்ன லாஜிக்? உருவ அமைப்பில் பெண்ணையும்
ஆளையும் வளைக்கிற விஷயம் எது? விளக்கம் சொல்கிறார் நியூசிலாந்தை சேர்ந்த மனிதவியல் ஆராளிணிச்சியாளர் பார்னபி டிக்சன்.
பெண்களின் மார்பு,இடுப்பு, ‘சீட்’ அளவு 36&24&36 இன்ச் இருந்தால் அழகு என்கின்றனர்.குண்டாக இருக்கும் பெண்கள் அழகாக இல்லையா? மார்பு, இடுப்பு ஆகியவை எந்த அளவில் இருக்க வேண்டும் என்பது முக்கியமல்ல. அவற்றுக்கான விகிதம் சரியாக இருந்தால் போதும்.பெண்களின் உருவ அமைப்பில் இருக்கும் மேஜிக் எண் ‘0.7’. இது இடுப்பின் குறுகிய பகுதிக்கும் அகலமான பகு
திக்கும் உள்ள விகிதம்.இந்த விகிதம் துல்லியமாக 0.7 இருக்கும் பட்சத்தில் அந்த பெண்ணை எல்லா ஆண்களுக்கும்
பிடிக்கும். ஹாலிவுட் நடிகைகள் மர்லின் மன்றோ,ஜெசிகா ஆல்பா, மாடல் அழகிகள் கேத் மோஸ்,அலெசாண்ட்ரா அம்ப்ராசியோ ஆகியோருக்கு இடுப்பு விகிதம் 0.7 ஆக உள்ளது. இடுப்பில் தேவையான இடத்தில் மட்டும் சதைகள் இருந்தால்தான் இந்த விகிதம் சரியாக இருக்கும். இந்த விகிதம் 0.7 என்று இருக்கும் பெண்ணை பார்த்ததுமே.. ‘அட, நச்னு இருக்காளே. நமக்கு ஏத்த ஜோடி இவதான்’ என்ற உணர்வு ஆணுக்கு ஏற்படுகிறது.பெண்களை ‘கவர்’ பண்ண வேண்டும் என்பதற்காக பல ஆண்கள் ஜிம்முக்கு போய் உடம்பை ஏற்றுகின்றனர். ஆனால்,ஒல்லி ஆண்களை பெண்களுக்கு அதிகம் பிடிக்கிறது. ‘இவன் ஒழுங்காவச்சி காப்பாத்துவான்’ என்ற நம்பிக்கையை ஏற்படுத்துகிறது.
சரி.. ‘0.7’ஐ எப்படி கணக்கு பண்றது? நேராகநின்றுகொண்டு உடலை,தொப்பையை தளர்வாக விடுங்கள். இடுப்பிலேயே மிகவும் குறுகலான இ டத்தை ,அதாவது இஞ்சி இடுப்பு ஏரியாவை அளக்கவும்.அகலமான ‘சீட்’ ஏரியாவை அளக்கவும்.‘இஞ்சி’யை ‘சீட்’டால் வகுத்தால் கிடைப்பது தான் இந்த விகிதம்.அதாவது, இடுப்பு 28 இஞ்ச், ‘சீட்’ 40 இன்ச் என்றால் உங்கள் ‘இடுப்பு விகிதம்’ பக்கா
வாக 0.7 இருக்கிறது. ]]> Rupa http://www.hi2web.com/forum//showthread.php?t=22992